ಗುರುತು!

ಕು.ಸ.ಮಧುಸೂದನ

ನಾನು 

'ಅವಳು' 

ಎಂದು ಬರೆದಾಗೆಲ್ಲ

ನೀವು ಅನುಮಾನದಿಂದ ಅವಳತ್ತ ತಿರುಗಿ ನೋಡದಿರಿ.

ಇದ್ದಿದ್ದು ನಿಜ, ಅವಳಿಗೊಂದು ಹೆಸರು

ಅವರ ಮನೆಯವರು ಇಟ್ಟಿದ್ದು.

ಆ ಹೆಸರಿನಾಚೆ ಅವಳಿಗೇನೂ ಗುರುತಿರಲಿಲ್ಲ ಎಂಬುದೂ ನಿಜ.

ಯಾರದೊ ಮಗಳಾಗಿ ತಂಗಿಯಾಗಿ ಅಕ್ಕನಾಗಿ

ಇದ್ದವಳು ನನ್ನ ಗೆಳತಿಯಾಗಿದ್ದು ಆಕಸ್ಮಿಕವೇ ಸರಿ

ಅವೆಲ್ಲ ದಾಟಿ 

ಅವಳು

ಪತ್ನಿಯಾದಳು,

ತಾಯಾದಳು

ತನ್ನ ಹೆಸರಿನಾಚೆಯೊಂದು ಗುರುತಿಗೆಂದೂ ಹಂಬಲಿಸದೆಯೆ.

ಇದೀಗ ಬಿಟ್ಟು ಬಿಡಬೇಕಾಗಿದೆ ಅವಳ

ನಾವಿಟ್ಟ ಹೆಸರಿನಿಂದಾಚೆಗೊಂದು ಗುರುತು

ತಾನೇ ಕಂಡುಕೊಳ್ಳಲು.

ಮಧುಸೂದನ್ ರವರ ಮತ್ತಷ್ಟು ಲೇಖನಗಳನ್ನು ಓದಲು ಇಲ್ಲಿ ಕ್ಲಿಕ್ಕಿಸಿ.