ಎನಿತು ದಕ್ಯಾವು ?

ಪ್ರವೀಣಕುಮಾರ್ ಗೋಣಿ

ಅರ್ಪಣೆ ಈಡಿಯಾಗಿ

ಇರದಿರಲು ಅರಿವಿಗೆ 

ಬಂದೀತೆ ಅವನಿರುವಿನ ಅನುಭಾವ ?

ಅಣು ಅಣುವು ಬಿಸಿಗೆ 

ತನುವೊಡ್ಡಿ ಕೊಳ್ಳದಿರಲು 

ಕೆನೆಗಟ್ಟಿ ಹೋದೀತೇ ಹಾಲು ?

ಮೇಲು ಮೇಲಷ್ಟೇ ಅರ್ಪಣೆಯ 

ಮಾತಾಡಿ ಅಂತರ್ಯದೊಳಗೆ 

ಬಿಡದಿರಲು ಹಿಡಿದಿಟ್ಟ ವಾಸನೆಗಳ 

ಮೀರಾಳಿಗೆ ಕಂಡ ಮುಕುಂದ 

ಅದ್ಹೇಗೆ ತಾನೇ ಕಂಡಾನು ?

ಬೆರಗಿನ ಪುಳಕಗಳು 

ಅಚ್ಚರಿಯ ಸೆಳಕುಗಳು 

ವಿಸ್ಮಯದ ಅನುಭಾವಗಳು 

ಮಗುವಂತಾದರೆ ದಕ್ಕುವವು 

ಹೊರತು ಮೃಗದಂತಿದ್ದು 

ತಡಕಾಡಿದರೆನಿತು ದಕ್ಯಾವು ?